VOV4.K’ho-  Tổng cục Lâm nghiệp, Bộ Nông nghiệp mờ Phát triển nông thôn yal, tàm nhai 3, priă lơh geh bơh broă tăc dơm chi brê bơnơm mờ lơgar ndai kờp du\ lơh geh 922 tơlak dolar Mỹ, ai priă lơh geh bơh broă tăc phan mờ lơgar ndai 3 nhai bồ nam ơm tàm khà 2 tơmàn 400 tơlak dolar Mỹ, gơguh 18% pơn ndrờm dùl tu\  mờ nam 2018 mờ gơguh uă ngan rlau jơh tàm mpồl ală phan bơna kă bro tăc mờ lơgar ndai rlau 1 tơmàn dolar Mỹ bơh Việt Nam dê.

Do kung là quý geh bơta gơguh lơh sa uă ngan rlau jơh tàm 5 nam do. Drà kă bro tăc phan dơm chi brê mờ lơgar ndai tu\ do uă ngan kung gam là 5 drà kă bro bơh yau bè : lơgar Mỹ, Nhờk, EU, Lo mờ  Hàn Quốc.

Tềng đap ală bơta pràn nisơna bơh phan dơm chi Việt Nam dê, Thủ tướng Chính phủ ai ngui Chỉ thị sồ 08 bè kơnòl broă, gùng dà broă lơh bơtàu tơnguh mhar mờ kơ\ kơl jap gah lơh sa mờ ma\y mok lơh gơlik phan dơm chi mờ phan lơh bơh dơm chi bơdìh mờ dơm chi drơng broă tăc mờ lơgar ndai.

Chỉ thị ai broă rơndap lơh ai priă lơh geh bơh broă tăc dơm chi mờ lơgar ndai mờ phan lơh bơh dơm chi bơdìh mờ dơm chi ai nam 2019 lơh geh 11 tơmàn dolar Mỹ; nam 2020 lơh geh 12-13 tơmàn dolar Mỹ, nam 2025 lơh geh bơh 18-20 tơmàn dolar Mỹ.

Cau mblàng K’ Hạnh