VOV4.K’ho- Drim ngai 1/7, tàm càr Hưng Yên geh bơyai lơh pơrjum yal Quyết định bơh Bộ Chính trị dê bè broă lơh Kuang bàng. Tàm dơ̆ pơrjum, ồng Nguyễn Quang Dương- Ủy viên Đảng dà lơgar, Phó Kuang atbồ Mpồl rơndap broă dà lơgar yal Quyết định bơh Bộ Chính trị dê tàm pà broă lơh, ntrờn ồng Nguyễn Hữu Nghĩa- Phó Kuang atbồ Ban Kinh tế dà lơgar tus bal tàm Ban Chấp hành, Ban Thường vụ Đảng bộ càr Hưng Yên, at gơnoar broă Bí thư Tỉnh ủy Hưng Yên, tơngai lơh broă bơh nam 2020-2025. Quyết định geh  mut ngui ngan ngồn kờp bơh ngai 15/6/2021.

Đơs tàm dơ̆ dờp kơnòl broă, ồng  Nguyễn Hữu Nghĩa - Bí thư Tỉnh ủy Hưng Yên hơ geh lơh ngan jơh nùs jơh pràn he dê, bal mờ mpồl Ban Thường vụ, Ban Chấp hành Đảng bộ càr sơr lèt gan bơta bòl glar kal ke mờ bơta lòng, đơng lam làng bol tàm càr lơh geh jơnau kờñ pơrjum dờng Đảng bộ càr dơ̆ 19 tơngai lơh broă bơh nam 2020-2025; bơt bơtàu Đảng bộ, ală anih lơh broă chính trị sàng goh, kơ̆ kơljap mờ pràn kơl dang; bơt bơtàu ƀòn lơgar Hưng Yên bơtàu tơnguh, bềng bơhiàn niam chài rơgơi.

Cau mblàng K’Hạnh