VOV4.K’ho- Drim ngai 30/3, tàm Gơlang Chủ tịch, ala mat Tổng Bí thư, Chủ tịch lơgar, ồng Nguyễn Phú Trọng, Phó Chủ tịch lơgar, mò Đặng Thị Ngọc Thịnh neh jàu kơrnuat bơh Chủ tịch lơgar dê jàu kơrnuat tơn pồ ồng Lê Khánh Hải, Ủy viên Ban Chấp hành Đảng dà lơgar, Phó Kuang atbồ Cơldŭ lơh broă Chủ tịch lơgar lơh Kuang atbồ Cơldŭ lơh broă Chủ tịch lơgar.

Ala mat kuang đơng lam bồ Đảng, dà lơgar jàu kơrnuat ai ồng Lê Khánh Hải in, Phó Chủ tịch lơgar, mò Đặng Thị Ngọc Thịnh đơs, là kuang bàng geh pràn jak đơng lam bồ, atbồ, geh sồr at uă kơnòl broă kuơmàng bơh Bộ Văn hoá, Thể thao mờ Du lịch dê. Ồng Lê Khánh Hải bal mờ gùt gah do neh lam lơh ală kơnòl broă tờm, jal mhar, lam lơh jai pha kơnòl broă bơt bơtàu broă lơh Văn hoá, Thể thao mờ Du lịch. Đơs dờp kơnòl broă, ồng Lê Khánh Hải hơ pơrgon tơnguh jơnhua nùs nhơm geh kơnòl, pơn jat tai lơh ngan lơh gơs niam tơl jơnau sồr, kơnòl broă geh jàu.

Cau mblàng K’Duẩn