VOV4.K’ho - Dờp jơnau jà bơh ồng Phăn Khăm Vị pha Văn, Phó Chủ tịch lơgar Lào, ngai 19 nhai 6, Phó Chủ tịch lơgar mò Đặng Thị Ngọc Thịnh bal mờ kuang bàng ala măt dờng màng lơgar he, còp lơgar Lào.

Tàm dơ\ cri bơyai mùl màl, 2 gah ring bal sền gròi rơlao tai broă bơto bơtê nùs nhơm tam klăc bơh lơgar Việt Nam mờ lơgar Lào ai kuang bàng bal mờ làng bol 2 lơgar in, tàm hơ\ uă ngan là rơnàng kơnòm să; Pơn jăt tai tơnguh broă lơh bal nền nòn tàm broă sền gàr bơta lơngăp lơngai tiah nhàr dà lơgar, kơrian broă kă bro kòn bơnus, kă bro ờ di mờ adăt boh lam ma tuý, pơrlồm kă bro phan, lơh phan geh is ờ geh sră ai lơh jăt gah nhàr dà lơgar…

Sền gàr rài kis lơngăp lơngai làng bol, bơ\t bơtàu gơl gùng nhàr dà lơgar bơh lơgar Việt Nam mờ lơgar Lào lơngăp lơngai, g^t gơ\p, lơh bơyô bal mờ tơnguh bơtàu; sền kuơ broă bơsong cau kis ntrờn khăt gơboh, bao ờ di mờ adăt boh lam bơh làng bol kis jăt gah nhàr dà lơgar bơh 2 lơgar dê; Sền gròi, chồl pràn broă lơh ală rơndăp broă mờ anih lơh sa kă bro lơgar Việt Nam geh ai sră bơcri priă lơh sa tàm lơgar Lào geh cồng nha mùl màl.

Cau mblàng Ndong Brawl