VOV4.K’ho – Tàm tơngume tus còp ngan ngồn lơgar Latvia bơh ngai 19 tus ngai 21/10, Phó Chủ tịch lơgar mò Đặng Thị Ngọc Thịnh neh geh dơ\ tìp mat cribơyai broă mờ kuang atbồ lơgar Latvia ồng Raimonds Vejonis. 2 nă kuang ringbal pơnjat tai sơlơ pơgồp bal tàm ală cribơyai tàm dunia mờ kơnhoàl; sơlơ cribơyai lơh broă mpồl kuang bàng ală kơnă; chồl pràn lơh broă bal tàm gah bơto bơtê mờ bơsram, khoa học – công nghệ, ngan là công nghệ cao mờ công nghệ tơlir.

Tu\ do, Việt Nam neh gơ gơs là lơgar tam klac kă bro dờng ngan rlau jơh bơh Latvia dê tàm Đông Nam Á mờ priă lơh geh bơh 2 gah dê nam 2016 geh 161 tơlak đôlar; 9 nhai do, priă lơh geh bơh 2 gah kung neh geh 126 tơlak đôlar, gơguh 10% pơn drờm mờ 9 nhai bồ nam lài. Tơnơ\ dơ\ tìp mat cribơyai broă, 2 nă kuang neh sền dơ\ ki\ Hiệp định đah Chính phủ Việt Nam mờ Chính phủ Latvia bè pleh bơta tă dia 2 dơ\ mờ kơryan broă pồn tă dia.