VOV4.K’ho – Mho òr (21/8), Phó Chủ tịch lơgar, mò Đặng Thị Ngọc Thịnh neh geh dơ\ lơh broă mờ Thường trực Tỉnh ủy Bình Định bè broă lơh sa - mpồl bơtìan 7 nhai bơh nam 2018 dê mờ kơnòl broă kuơ màng bơh ală nhai lồi nam dê. Đơs tàm dơ\ lơh broă, Phó Chủ tịch lơgar, mò Đặng Thị Ngọc Thịnh cih dờp mờ đơs niam ală broă lơh ngan bơh càr Bình Định dê tàm bơtàu tơnguh lơh sa mpồl bơtìan 7 nhai bơh nam 2018 dê.

 Phó Chủ tịch lơgar đơs là, bu\lah khà bơtàu tơnguh lơh sa càr dê lơyah rlau mờ khà kờp bal bơh gùt lơgar dê, mơya kung gam geh ală bơta pràn nàng brồ guh, chul chồl bơtàu tơnguh tàm tơngai tus. Đơs tus ală kơnòl broă kuơ màng tàm ală nhai lồi nam, Phó Chủ tịch lơgar tơngkah, bơdĩh bơtàu tơnguh lơh sa, gàr tơl niam rài kis mpồl bơtiàn, càr pal sền gròi uă tus broă lơh rơcang sơndră trồ tiah lơh aniai.

          Cau mblàng K’Duẩn