VOV4.K’ho- Mho òr, 16/7, mò Đăng Thị Ngọc Thịnh, Phó Chủ tịch lơgar bal mờ mpồl lơh broă neh geh dơ\ lơh broă mờ Thường trực Tỉnh ủy mờ UBND càr Dak Nông bè broă lơh sa mpồl bơtìan mờ broă lơh bơt bơtàu Đảng, gơnoar atbồ càr dê.

Tàm dơ\ lơh broă, Kuang đơng lam bồ UBND càr Dak Nông neh yal dùl êt mờ mpồl kuang bàng in bè broă lơh sa mpồl bơtìan mờ broă bơt bơtàu Đảng, bơt bơtàu ală anih lơh broă chính trị tàm 6 nhai bồ nam do. Jat hơ\, kờp jơh phan lơh geh tàm càr kờp du\ geh 7 rơbô tơmàn priă, ndrờm mờ 42% broă rơndap lơh, khà gơnguh tai lơh sa kờp du\ lơh geh 9,28%; tă priă dia dà lơgar kờp du\ geh 1 rơbô 230 tơmàn, lơh geh 67% kờp du\ lài bơh dà lơgar  dê jàu, gơguh 41% pơn drờm  dùl tu\ mờ nam lài.

 Mò Đặng Thị Ngọc Thịnh, Phó Chủ tịch lơgar pà phan ai kơnòm bơsram tàm hìu bơsram xã Dak R’Măng, kơnhoàl Dak Glong, càr Dak Nông

Bulah bè hơ\, tàm 6 nhai bồ nam tàm càr kung gam gơlik sơl geh 324 dơ\ mus brê, lơh hoàc huơr 93 lồ brê. Jơnau mus brê ngai sơlơ gơlik geh kal ke tàm bàr pe kơnhoàl, bè: Dak Glong, Dak Song…

Mò Đặng Thị Ngọc Thịnh, Phó Chủ tịch lơgar đơs đơng lam tàm dơ\ lơh broă mờ kuang bàng tờm càr Dak Nông

Mờ cồng nha neh lơh geh, mò Đặng Thị Ngọc Thịnh, Phó Chủ tịch lơgar jờng jơ ngan ală broă lơh ngan bơh càr Dak Nông dê, kơ\p kờ` Dak Nông pơn jat tai sền gròi broă gàr tơl niam rài kis mpồl bơtìan in, tơn jơh jơgloh tơrmù r[ah, bal mờ hơ\ geh ală gùng dà broă lơh di pal nàng bơsong niam broă ntrờn làng bol ơm kis khat gơboh.

Phó Chủ tịch lơgar kung sồr càr tơrgùm tàm broă lơh tam gơl sră nggal, ai bơta buơn dong mpồl lơh sa kă bro, làng bol rề ơ nàng lơh sa, kă bro. Mơ càr kung kờ` pal kơ\ nùs lơh jat ală jơnau kờ`, kuơ màng là jơnau kờ` bè rơndap tap sèng lơh broă sa suơn sre, bè tam brê, gàr brê, lơh nền, pơn jat tai bơsram mờ lơh jat niam ală Chỉ thị, Nghị quyết bơh Dà lơgar dê.

Cau mblàng K’ Hạnh