VOV4.K’ho- Di dơ\ lam bồ mpồl kuang bàng dờng màng ala mat lơgar Việt Nam lòt Pơrjum kuang bàng dờng màng dơ\ 18 Srơh ờ tơrgùm bal tàm Baku, lơgar Azerbaijan, mò Đặng Thị Ngọc Thịnh Phó Chủ tịch lơgar neh tìp mat boh bơr mờ ồng Ilham Aliyev Kuang atbồ lơgar Azerbaijan.

Phó Chủ tịch lơgar mò Đặng Thị Ngọc Thịnh tìp mat boh bơr mờ Kuang atbồ lơgar Azerbaijan

Phó Chủ tịch lơgar Việt Nam đơs nền, Việt Nam sền dờng màng ngan broă lơh kơ\ kơl jăp mờ tơnguh bơta gi\t gơ\p lơh bơyô bal bơh yau mờ lơh broă bal tàm uă broă mờ lơgar Azerbaijan, kuơmàng là lơh broă bal tàm gah lơh sa, kă bro mờ bơcri priă. Cribơyai bè ală broă tàm dunia mờ tàm tiah do, mò Đặng Thị Ngọc Thịnh Phó Chủ tịch lơgar Việt Nam mờ ồng Ilham Aliyev Kuang atbồ lơgar Azerbaijan dùl nùs ring bal đơs là pal sền dờng màng adat boh lam tàm bơta gi\t gơ\p dunia.

Bè ală broă gơlik geh kal ke rềp ndo tàm dà lềng đah mat tơngai lik, Kuang atbồ lơgar Azerbaijan dùl nùs bal mờ gùng dà broă lơh bơh lơgar Việt Nam mờ mpồl ASEAN dê bè broă gàr bơta ring lơngai, kơ\ kơl jăp, bơsong broă tam pìt tam phà bơh ală broă lơh ring lơngai jăt tàm adat boh lam dunia dê.

Cau mblàng Lơ Mu K’Yến