VOV4.K’ho- Mho òr 15/11, tàm Hìu duh broă Chủ tịch lơgar dê, mò Đặng Thị Ngọc Thịnh, Phó Chủ tịch lơgar wa\ rò Bộ trưởng Bộ Quốc phòng lơgar  Belarus, ồng Ravkov Andrei Alekseevich.

Phó Chủ tịch lơgar đơs sùm, Việt Nam sùm sền dờng màng gi\t gơ\p lơh broă bal mờ lơgar Belarus mờ kơ\p kờ` tàm tơngai tus 2 lơgar lơh pràn gi\t gơ\p tàm ală gah broă lơh geh bơta pràn neh geh lài, tàm hơ\ sền gàr dà lơgar là broă kơ\p kơnờm ngan, pơgồp bơnah tàm bơta gi\t gơ\p kơ\ kơl jăp sùm đah 2 lơgar Việt Nam- Belarus. Việt Nam tu\ lơi kung rơcang dong kờl, lơh kòn gùng nàng lơgar Belarus in sơlơ tơnguh tai lơh broă bal mờ ală lơgar ASEAN.

Phó Chủ tịch lơgar sồr lơgar Belarus pơn jat tai lơh jat di tơngai mờ lơh niam ală sră pơrgon kă bro broă ling klàng neh ki\ hơ, lơh lài lơh broă bal jat gùng dà bơto ngui măy mok mờ lơh gơlik phàu crong, ai măy mok jat jơnau kờ` bơh lơgar Việt Nam dê; kung bè dong kờl ai ală mpồl lơh sa kă bro 2 lơgar in lơh pràn tìp mat lơh quèng kă bro, lơh broă bal lơh geh cồng nha niam bơne\.

Cau mblàng Lơ Mu K’Yến