VOV4.K’ho- Dờp jơnau jà bơh Chủ tịch Hội đồng Liên bang Quốc hội lơgar Nga mò Valentina Matviyenko, Phó Chủ tịch lơgar mò Võ Thị Ánh Xuân lam bồ Mpồl kuang bàng Việt Nam tus bal pơrjum Cau ùr châu Á- châu Âu dơ̆ 3 jat broă lơh pờ tơlik tơn tàm internet bơh ngai 13 tus ngai 15/10. Pơrjum Cau ùr châu Á- châu Âu nam do mờ tơngume “Cau ùr: gơnoar broă gùt plai ù tàm bơta geh ngan pa” gơ hòi gơ jà bơta tus bal bơh uă ngan cau ala mat bơh rlau 100 lơgar mờ 20 mpồl dunia.

Đơs tàm dơ̆ pơrjum, mò Võ Thị Ánh Xuân đơs niam ngan Pơrjum Cau ùr châu Á- châu Âu neh dong tam klăc bal, tam pà bal mờ tơnguh uă gơnoar bơh cau ùr dê; jờng rơ tơngume bơh dơ̆ pơrjum dê lơh geh tơl bơta nàng cribơyai bè ală tŭ tơngai niam mờ bơta lòng mờ broă lơh gùt plai ù, Kăc màng công nghiệp 4.0 mờ kòp dờng Covid-19 gam gơrềng tơn tus dunia đơs bal mờ cau ùr đơs is.

Cau mblàng K’Hạnh