VOV4.K’ho- Kung tàm dơ̆ lòt còp ngan ngồn Việt Nam di dơ̆ tơngkah 50 nam gĭt gơ̆p lơh broă bal Việt Nam – Thụy Sỹ,  Phó Kuang atbồ lơgar, Bộ trưởng Ngoại giao Thụy Sỹ ồng Ignazio Cassis neh geh dơ̆ tìp mat cribơyai broă mờ Phó Chủ tịch lơgar mò Võ Thị Ánh Xuân.

Phó Chủ tịch lơgar mò Võ Thị Ánh Xuân wă Phó Kuang atbồ lơgar Thụy Sỹ

Tàm dơ̆ wă, Phó Chủ tịch lơgar mò Võ Thị Ánh Xuân tơngŏ bơta chờ hờp tềng đap bơta bơtàu tơnguh ngan bơh bơta gĭt gơ̆p lơh bơyô bal bơh yau đah 2 lơgar dê, sồr 2 gah pơn jat tai ai lơh broă bal lơh jat tàm broă lơh ngan ngồn mờ geh cồng nha, lơh geh kuơ, di pal mờ bơta geh kuơ bơh 2 lơgar dê, mơkung pơgồp bơnah tàm bơta ring lơngai, kơ̆ kơljap mờ lơh broă bal tàm tiah do mờ tàm dunia. Phó Kuang atbồ lơgar Thụy Sỹ ồng Ignazio Cassis đơs niam ngan ală bơta lơh ngan mờ tam pà bal ală bơta kal ke bơh Việt Nam dê tàm broă sơndră mờ dơ̆ bơtờp kòp Covid-19, yal Chính phủ Thụy Sỹ lơh nền dong kờl ai Việt Nam in 500 rơbô bộ kĭt xét nghiệm mhar, 300 rơbô chèu sơndră khuẩn mờ 30 nơm măy tă nhơm oxy kờp jơh khà priă pơgap 120 tơmàn đong Việt Nam.

Cau mblàng K’Hạnh