VOV4.K’ho- Wèt tus tơngkah kir sơnrai Ngai cau pơgru Việt Nam, mho ngai 18/11, tàm Hìu duh broă Chủ tịch, Phó Chủ tịch lơgar mò Võ Thị Ánh Xuân tìp măt Mpồl cau ala măt ală cau pơgru pơnrơ jak di dơ̆ tus bal broă lơh “Tam pà bal mờ pơgru” nam 2021. Đơs tàm dơ̆ tìp măt, Phó Chủ tịch lơgar mò Võ Thị Ánh Xuân pơyua jơnau gờm chờ tus mờ jơh tơl nă pơgru, kuang ătbồ bơto bơtê tam gùt lơgar đơs bal mờ ală pơgru tus bal broă lơh do jơnau gờm chờ niam bơnĕ ngan rlau jơh di dơ̆ tơngkah Ngai Cau pơgru Việt Nam 20/11.

Phó Chủ tịch lơgar tam pà bal mờ ală bơta kal ke, gơrềng bơta kòp dờng Covid-19 dê tus mờ jơh ală pơgru bal mờ jơh gùt gah bơto bơtê. Mơya, bal mờ jơnau đơs “Ơm ing lòt bơsram tàm hìu klờng, ờ ơm broă bơsram sră”, gah bơto bơtê neh geh ală tam gơl ngac ngar broă rơndăp lơh bơsram sră, bơto bơtê, bơyai lơh niam ală dơ̆ pơrlòng, sơnđờm mŭt nam bơsram pa lơh bè lơi nàng gơdờp bal ờdo ờdă mờ kòp bơtờp.

Cau mblàng Lơ Mu K’Yến