VOV4.K’ho- Phó Chủ tịch lơgar mò Võ Thị Ánh Xuân mờ ală cau tơlik mat tĕ khà kuang bàng Quốc hội khóa 15 mờ kuang bàng Hội đồng Nhân dân càr An Giang khóa 10, tơngai lơh broă bơh nam 2021 tus nam 2026, gơ wèt mpồl tĕ khà sồ 1 neh geh dơ̆ tìp mat cau tĕ khà, lam sồr tĕ khà jat jơnau cih adat boh lam tàm ală sơnah ƀòn Mỹ Bình, Mỹ Long, Mỹ Phước, Mỹ Quý, Mỹ Thới, Mỹ Thạnh, xã Mỹ Hòa Hưng (ƀòn dờng Long Xuyên), thị trấn Óc Eo, xã Vọng Đông mờ xã Vọng Thê, kơnhoàl Thoại Sơn, càr An Giang.

Đơs bè broă lơh he dê, Phó Chủ tịch lơgar mò Võ Thị Ánh Xuân đơs, dilah geh cau tĕ khà pin dờn pồ lơh kuang bàng Quốc hội khóa 15, să tờm geh pơn jat tai lam lơh ală broă ờ hềt gơtùi lơh geh jat bè bơta kơp kờñ mờ kung geh pơgồp bal kơnòl broă kuang bàng Quốc hội mờ kơnòl broă tŭ do là Phó Chủ tịch lơgar nàng lơh jat niam rlau tai jơnau kờñ, bơta kơp kờñ bơh cau tĕ khà dê.

Cau mblàng K’Duẩn