VOV4.K’ho – Tàm gơlang Chủ tịch, Phó Chủ tịch lơgar, mò Đặng Thị Ngọc Thịnh wă Kuang atbồ bang Queensland (lơgar Australia), ồng Paul de Jersey. Phó Chủ tịch lơgar đơs tờm, Việt Nam sùm sền dờng màng git gơp lơh bơyô, lơh broă bal mờ Australia đơs bal mờ bang Queensland đơs is. Phó Chủ tịch lơgar đơs là, Việt Nam mờ Australia là 2 rài lơh sa geh bơta tàm dong kờl uă, den tàng kung gam geh uă ngan bơta pràn mờ ù tiah gam wơl nàng ngui, cèng wơl bơta kuơ ngan ngồn ai làng bol 2 lơgar in.

Phó Chủ tịch lơgar wă Kuang atbồ bang Queensland, ồng Paul de Jersey

Phó Chủ tịch lơgar kơp kờ`, 2 gah pơn jat tai sơlơ chồl pràn lơh broă bal tàm jơh ală gah broă lơh, kuơ màng là ală gah mờ bang Queensland geh bơta pràn bè công nghiệp, lơh sa suơn sre, bơto bơsram, kơlôi sơnơng – bơtàu tơnguh. Kuang atbồ bang Queensland đơs tờm, Australia sùm sền dờng màng git gơp lơh bơyô, lơh broă bal mờ Việt Nam. Ồng Paul de Jersey kơp kờ` bang Queensland geh tu\ [uơn sơlơ chồl pràn lơh broă bal uă rlau mờ ală tiah bơh lơgar Việt Nam dê tàm uă gah broă lơh, ngan là bè bơto bơsram, nhơl chờ, năng lượng mờ công nghệ cao…

Cau mblàng K’Duẩn