VOV4.K’ho – Mho òr (25/4), tàm càr lơgar Phnom Penh, lơgar Campuchia, mò Tòng Thị Phóng, Ủy viên Bộ Chính Trị, Phó Chủ tịch Quốc hội bal mờ mpồl kuang bàng Quốc hội Việt Nam neh geh dơ\ tus còp mờ lơh broă mờ Quốc hội Campuchia.

Tàm dơ\ tìp mat cribơyai broă mờ mpồl kuang bàng Quốc hội Campuchia, 2 gah neh yal wơl ală gah lơh broă bal geh cồng nha đah Quốc hội 2 lơgar tàm tơngai lài, ai lơh chờ hờp tềng đap ală cồng nha bơtàu tơnguh lơh sa - mpồl bơtiàn mờ làng bol lơgar Campuchia neh lơh geh, đơs tờm Quốc hội Việt Nam sùm sền dờng màng mờ sền gròi lài ngan tus broă sơlơ tơnguh git gơp lơh bơyô ờs mờng mờ lơh broă bal tơl làm đah 2 lơgar.

Phó Chủ tịch Quốc hội Tòng Thị Phóng kơp kờ`, Quốc hội 2 lơgar Việt Nam mờ Campuchia geh pơn jat tai lơh broă bal nền nòn nàng sơlơ rề ơnàng, tơnguh jơnhua cồng nha lơh broă bal đah Chính phủ mờ làng bol 2 lơgar, dong kờl bal mờ gơp tàm ală dơ\ cribơyai uă lơgar dunia.