VOV4.K’ho – Tàm ngai lơh broă sơn rờp nam pa Mậu Tuất 2018, Phó Chủ tịch Quốc hội, mò Tòng Thị Phóng tus còp, nting sap sa tềp mờ lơh broă mờ Bảo hiểm xã hội Việt Nam. Phó Chủ tịch Quốc hội kơp kờ` gah bảo hiểm kờ` pal tơnguh jơnhua kơnòl broă, tam klac bal, tam gơl pa mờ lơh geh cồng nha nàng lơh jơh niam ală jơnau kờ` nam 2018 dê, wèt tus bơta niam nùs bơh làng bol dê. Bảo hiểm xã hội Việt Nam kờ` pal pơn jat tai bơsong ală bơta ờ niam, tơnguh jơnhua bơta niam kuang bàng lơh bảo hiểm.

Tàm hơ\ pal sền gròi tus khà ai priă bảo hiểm, gàr niam ờ do ờ dă kes priă bảo hiểm jo\ tơngai, kung bè sền gròi lơh niam sră nggal broă lơh lam sồr làng bol, sơlơ yal jơnau, mblàng yal, kung bè broă lơh pơ gồp bal đah Bảo hiểm xã hội mờ ală anih lơh broă geh gơ rềng kờ` tơnguh jơnhua bơta niam, bơngă pin dờn bơh Bảo hiểm xã hội Việt Nam dê tàm tơngai tus jat jơnau đơs “Geh kơnòl, tam klac bal, tam gơl pa mờ geh cồng nha”.