VOV4.K’ho – Pơn jat tai dơ\ lơh broă tàm Tây Nguyên, mho òr (29/6), Phó Chủ tịch  thường trực Quốc hội mò Tòng Thị Phóng lơh broă mờ UBND càr Gialai bè broă mut lơh rơndap broă dờng pràn kơnòm dềt tơl làm bơh Kes priă kơnòm dềt Liên hợp quốc (Unicef) dong kờl. Gialai là dùl tàm 3 càr, bal mờ Kontum mờ Điện Biên geh Chính phủ mờ Kes priă kơ nòm dềt Liên hợp quốc (Unicef) dong kờl mut lơh rơndap broă dờng pràn kơ nòm dềt tơl làm.

Rơndap broă geh mut lơh bơh nhai 3 nam do mờ geh lơh tơr lòng lài tàm 9 xã bơh 3 kơnhoàl là Mang Yang, K’bang mờ Krông Pa mờ priă ODA dong kờl ờ tơm wơl là rlau 3 tơlak 400 rbô đôlar Mỹ; priă ai bơh kes priă càr dê là mờr 7 tơmàn 800 tơlak. Đơs tàm dơ\ lơh broă, mò Tòng Thị Phóng cih dờp ờ uă cồng nha bơh càr Gialai dê tàm broă lơh sền gròi, sền gàr, dờng pràn kơ nòm dềt tàm tơngai lài. Bu\lah bè hơ\, tàm càr gam ờ uă bơta pal kah, ngan là broă sồr kơ nòm dềt hơ đơm 5 sơnam tus ơdu\ bơsram mìng pa geh mờr 40% kơnòm dềt gùt càr, gơwèt mờ kơnòm dềt kòn cau mìng pa geh 28%. Khà rơgai ờ sô, lơyah să jan tàm kơ nòm dềt hơ đơm 5 sơnam geh rlau 35% mờ geh tus 2/3 khà kơnòm pa deh tàm ală kơnhoàl ờ hềt geh sền gròi bè sơ nơm tơm ba tơl làm. Gơnoar atbồ, ală mpồl lơh broă tàm càr pal sền gròi uă rlau tai tus broă lơh dờng pràn tơl làm kơnòm dềt.

                 Cau mblàng K’Duẩn