VOV4.K’ho – Phó Chủ tịch Quốc hội ồng Phùng Quốc Hiển bal mờ mpồl lơh broă bơh Quốc hội dê neh geh dơ\ lơh broă mờ kuang đơng lam bồ càr Daklak bè cồng nha mut ngui nghị quyết bè rơndap tap sèng wơl gah lơh sa suơn sre. Tu\ do, lơh sa suơn sre tàm Daklak geh 45% khà phan bơna lơh geh, ai geh broă lơh mờr 70% cau lơh broă bơh càr dê. Cồng nha lơh sa suơn sre sùm geh khà gơguh uă. Bulah bè hơ\, broă rơndap tap sèng wơl gah lơh sa suơn sre bơh càr dê ờ hềt drơng jat jơnau kờ` geh ai tơlik, cồng nha lơh geh gam lơyah, tam gơl chi tam gam dơr cul; mut ngui khoa học tàm broă lơh sa suơn sre gam ờ hềt uă.

Tàm dơ\ lơh broă, Phó Chủ tịch Quốc hội Phùng Quốc Hiển đơs là, Daklak gam lơh di, tu\ lơh ngan bơtàu tơnguh bơta pràn lơh sa suơn sre càr dê, ngan là chi tam jo\ ngai mờ ròng phan ròng dờng. Tơngai tus, càr gơtùi tơmut chi sa plai mờ chi lơh sơ nơm tàm mpồl chi tam kuơ màng, lơh gơs bơta li la tàm broă lơh sa suơn sre mờ tơnguh jơnhua cồng nha lơh sa.