VOV4.K’ho-  Ngai òr, 21/6, Phó Chủ tịch thường trực Quốc hội mò Tòng Thị Phóng bal mờ mpồl kuang bàng ala mat Quốc hội càr Sơn La, neh tìp mat mờ cau te\ khà tàm kơnhoàl Vân Hồ, càr Sơn La.

Tàm [ùi tìp mat mờ cau te\ khà, tơnơ\ tu\ iăt jơnau đơs bơh cau te\ khà dê, mò Tòng Thị Phóng đơs tờm, tàm tơngai tus, càr kờ` pal pơn jat tai sền gròi, lơh lài broă lơh bơcri priă chồl pràn lơh sa mpồl bơtìan tàm kơnhoàl Vân Hồ mờ tiah làng bol ntrờn ơm kis lơh sa bơh tiah pờ tơlik ồs đèng Hoà Bình, mơ kung sồr càr tơr gùm ală jơnau dan bơh cau te\ khà dê nàng yal mờ Quốc hội mờ ală bộ, gah sơnah lơh broă geh gơnoar in sền sơ wì, bơsong ală broă bơh tàm tiah do dê.

Kung tàm ngai òr sơl, mò Tòng Thị Phóng neh lòt còp mờ lơh broă mờ kuang bàng, cau ling phàu crong tàm kơnhoàl Vân Hồ, pơn jờng ală kuang bàng, cau ling bơsong bơta kal ke, gàr niam bơta lơngap lơngai mờ ờ do ờ dă, ngan là tàm tiah nhàr lơgar.

Cau mblàng K’ Hạnh