VOV4.K’ho- Drim ngai 22/6, Hội đồng Nhân dân càr Hậu Giang khóa 10, tơngai lơh broă bơh nam 2021 tus nam 2026 mut pơrjum dơ̆ 1. Ủy viên Bộ Chính trị, Phó Chủ tịch Thường trực Quốc hội ồng Trần Thanh Mẫn tus bal mờ geh jơnau đơs đơng lam tàm dơ̆ pơrjum.

Đơs tàm pơrjum, ồng Trần Thanh Mẫn sồr, bơh bồ tơngai lơh broă bơh nam 2021 tus nam 2026, Thường trực Hội đồng Nhân dân càr pal pơgồp bal jơh nùs mờ Thường trực Ủy ban Nhân dân, Ủy ban Mặt trận dà lơgar Việt Nam càr mờ Mpồl kuang bàng Quốc hội càr ring bal bơt bơtàu mờ ai tơlik quy chế pơgồp bal, geh bơta tam pà broă lơh, tam pà kơnòl broă loh làng tàm broă lơh jat tơl tơngume; Thường trực Ủy ban Nhân dân, ală kuang geh jơng bơh Ủy ban Nhân dân mờ ală cau lơh kơnòl broă cah rơña ală broă lơh tìs gơ wèt gơnoar bơh anih cah rơña dê pa geh pồ pal tơrgùm bồ tơngoh, tam klac bal, đal git ală bơta geh gơ rềng, ngui tŭ niam, ngui geh cồng nha bơta ƀuơn, bơta pràn, ring bal nùs nhơm mờ broă lơh, lơh ngan bơt bơtàu càr Hậu Giang gơ gơs là tiah tờm bơtàu tơnguh lơh sa bơh tiah ring dà dờng Cửu Long dê.

Cau mblàng K’Duẩn