VOV4.K’ho- Mang ngai 05/01, tàm Hà Nội, geh lơh broă lơh tơngkah kir sơnrai 72 nam ngai bơhiàn kơnòm bơsram, cau bơsram dờng Việt Nam mờ Mpồl cau bơsram dờng Việt Nam (09/01/1959- 09/01/2021), jờng rơ cau bơsram dờng geh khà jờng “Cau bơsram dờng 5 niam”, mpồl cau bơsram dờng geh khà jờng “Mpồl cau bơsram dờng 5 niam” kấp dà lơgar nam 2021, jàu pà khà jờng “Sơmañ nhai 1” nam 2021.

Tus bal geh Phó Củ tịc lơgar mò Võ Thị Ánh Xuân, ală kwang đơng lam bồ Đảng, dà lơgar mờ kwang đơng lam bồ ală Mpồl, Ƀộ, gah broă lơh dà lơgar. Nam 2021, bulah kong gơ rềng bơh kòp Kovid-19 dê, ală kấp ƀộ mpồl kung gam lơh ngan sơrlèt gan bơta lòng, lam lơh bơceh pa ală broă lơh, ală srơh, lơh gơlik anih pơlam tàp ai cau bơsram dờng, cau tàm mpồl in. Di tŭ do, mpồl cau bơsram dờng Việt Nam neh jàu pà khà jờng “Cau bơsram dờng 5 niam” kấp dà lơgar ai 291 nă cau bơsram dờng mờ jàu khà khà jờng “Mpồl cau bơsram dờng 5 niam” kấp dà lơgar ai 60 mpồl cau bơsram dờng in.

Cau mblàng K’Duẩn