VOV4.K’ho- Drim ngai 28/12, tàm Hà Nội, Mpồl cau gơtìp sơnơm khih điôxin lơh aniai Việt Nam bơyai lơh tơngkah 60 nam rềs àr sơnơm khih dioxin lơh aniai tàm lơgar Việt Nam (10/8/1961- 10/8/2021), dờp Huân chương Lơh broă khà 3 mờ pơrjum cau pơn rơ gơguh jak tài cau gơtìp sơnơm khih dioxin lơh aniai dơ̆ 4, tơngai bơh nam 2016 tus nam 2021.

Phó Củ tịc lơgar mò Võ Thị Ánh Xuân neh tus bal mờ jàu Huân chương ai mpồl in. Đơs tàm dơ̆ tơngkah, Phó Củ tịc lơgar mò Võ Thị Ánh Xuân sồr Mpồl cau gơtìp sơnơm khih dioxin lơh aniai ală kấp pal pơn jat tai tam gơl pa tơngume, broă lam lơh, tơnguh nùs nhơm Tam klac bal- geh nùs nhơm niam- geh kơnòl- tài cau gơtìp sơnơm khih dioxin lơh aniai, tơnguh jơnhua cồng nha lơh broă, lơh niam rlau tai broă lơh cribơyai, ai tơlik jơnau đơs mờ hòi jà bơta tă pơgồp bơh mpồl bơtiàn nàng gròi sền, dong kờl mờ tam dră jòi ai bơta ring bal ai cau gơtìp sơnơm khih dioxin lơh aniai in mờ ală broă lơh dipal mờ bơta geh ngan bơtàu tơnguh bơh dà lơgar dê.

Cau mblàng K’Duẩn