VOV4.K’ho - Mho òr (06/01), tàm Hà Nội, Mpồl tam klăc ală mpồl git gơ̆p lơgar Việt Nam, Mpồl git gơ̆p lơgar Việt Nam mờ lơgar Ấn Độ pơgồp bal mờ Đại sứ quán lơgar Ấn Độ tàm lơgar Việt Nam bơyai lơh tơnkah 50 nam ngai crơng gơs broă lơh git gơ̆p đah lơgar Việt Nam ờ lơgar Ấn Độ.

Tus pơrjum tơnkah geh Phó Củ tịc lơgar mò Võ Thị Ánh Xuân. Ƀộ trưởng Ƀộ Thông tin mờ Truyền thông ồng Nguyễn Mạnh Hùng, Kwang atbồ mpồl git gơ̆t gơ̆p đah lơgar Việt Nam mờ lơgar Ấn Độ đơs, Mpồl git gơ̆p đah lơgar Việt Nam mờ lơgar Ấn Độ bal mờ ală anih lơh broă geh gơnoar đah bàr lơgar, tơnguh rơlao tai ală broă lơh tìp bal làng bol, sền gàr mờ bơ̆t bơtàu broă lơh git gơ̆p. Bơh tŭ hơ̆, pơgồp bal tàm broă chồl pràn broă lơh bal jŏ jòng tơl ală bơta đah lơgar Việt Nam mờ lơgar Ấn Độ tơnguh bơtàu tus mờ bơta pa, di pal mờ bơta kuơ bơh làng bol bàr lơgar dê. Đơs tàm dơ̆ pơrjum, Phó Củ tịch lơgar mò Võ Thị Ánh Xuân sồr, ală anih lơh broă, mpồl bơh broă, mpồl lơh sa kă bro bal mờ làng bol bàr lơgar pal pơgồp bal nền nòn rơlao tai, tơnguh bơngă, gơnoar bal mờ bơta pràn bơh bàr lơgar, ngui niam ală broă lơh bal. Lơh niam broă lơh bơh nam 2021 tus 2023, lơh jăt broă lơh bal jŏ jòng tơl ală bơta mờ wèt tus bơta bal bè ring lơngai, pas gơs mờ làng bol neh geh ring bal tàm nhai 12 nam 2020 lài do.

Cau mblàng Ndong Brawl