VOV4.K’ho- Di dơ̆ Broă lơh “Àng gơ crà bơta pràn brồ guh Việt Nam” nam 2021, drim ngai 13/12, Phó Củ tịc Quôk hội ồng Nguyễn Khắc Định neh geh dơ̆ tìp mat 20 nă cau ala  mat tàm khà 50 krơh ơruh pơnu kuet kơlte geh pơn rơ jak, gơ wèt 34 càr, ƀòn dờng tus bal broă lơh. Broă lơh “Àng gơ crà bơta pràn brồ guh Việt Nam” nam 2021 kờñ lơh gơ rề ală krơh kis geh kơnòl, geh pràn jak brồ guh tàm mpồl bơtiàn.

50 krơh ơruh pơnu kuet kơlte geh pơn rơ jak nam do geh uă cau geh cồng nha jak ngan tàm ală broă lơh niam chài, đơs crih tamya, tàp pràn să jan mờ mblàng wơl bơta kờñ gơboh pràn ngan ai ơruh pơnu, kơnòm pa tàu, kơnòm dềt in; ờ mìng jơh nùs tus bal tàm jơnau sơn đờm mut lơh broă, sơn đờm mut lơh broă geh cồng nha mờ gam jơh nùs dong kờl ală bơyô ndrờm sơn đờm mut lơh broă, jơh nùs tus bal broă lơh dong kờl mpồl bơtiàn là krơh niam tàm mpồl bơtiàn, kuơmàng là tus bal tàm broă lơh mblàng yal, dong kờl rơcang sơndră kòp Covid-19 pa do. Phó Củ tịc Quôk hội ồng Nguyễn Khắc Định pà git, geh bal mờ ală anih lơh broă bơh Quôk hội dê pơn jat tai lơh sir mờ lam lơh geh cồng nha ală broă lơh dong kờl geh gơ rềng tus cau kuet kơlte.

Cau mblàng K’Duẩn