VOV4.K’ho – Tàm dơ\ lòt còp mờ lơh broă tàm lơgar Brazil, Mpồl kuang bàng Quốc hội lơgar Việt Nam bơh ồng Uông Chu Lưu, Phó Chủ tịch Quốc hội lam bồ neh tus lùp còp Phó Kuang atbồ lơgar Brazil, ồng Hamilton Mourao.

Tàm dơ\ tìp mat, 2 gah neh ring bal đơs là, git gơp lơh broă bal chính trị đah 2 lơgar bơtàu tơnguh niam bơne\ mờ dơ\ lòt còp bơh Mpồl dê geh lơh di tàm dơ\ tơngkah 30 nam ngai crơng gơs git gơp lơh broă bal đah 2 lơgar, geh pơgồp bơnah lơh niam rlau tai git gơp lơh bơyô ờs mờng, lơh broă bal tơl làm đah Việt Nam mờ Brazil tàm jơh ală gah broă lơh.

Phó Kuang atbồ lơgar Brazil đơs bơta ki ngàm bè ală phi să bơh jơi bơtìan Việt Nam dê tàm tu\ tơngai tam lơh ai ngap lơngai is jơi bơtiàn in, mơkung ai lơh sền ngềr ngan tềng đap ală cồng nha mờ lơgar Việt Nam neh lơh geh tàm broă lơh bơt bơtàu mờ bơtàu tơnguh dà lơgar, ngan là broă lam lơh chính sách li la git gơp lơh broă bal dunia bơh Việt Nam dê tơnơ\ rlau 30 nam tam gơl pa.

                                                                      Cau mblàng K’Duẩn