VOV4.K’ho – Ngai òr (07/5), tàm hìu lơh broă Bộ Ngoại giao, Phó Thủ tướng, Bộ trưởng Ngoại giao, ồng Phạm Bình Minh neh tìp mat cribơyai broă mờ Bộ trưởng Ngoại giao mờ lơh broă bal dunia lơgar Italia, ồng Enzo Moavero Milanesi.

 Tàm dơ\ tìp mat cribơyai broă, 2 gah neh đơs bơta chờ hờp tềng đap ală bơta bơtàu tơnguh niam mờ duh hồl ngan tàm tơl gah broă lơh bơh git gơp lơh broă bal kuơ màng Việt Nam – Italia tàm tơngai lài, kuơ màng là tàm tu\ 2 lơgar pa tơngkah 45 nam ngai crơng gơs git gơp lơh broă bal.

2 gah đơs niam bơta kuơ màng bơh Hiệp định kă bro khat gơboh Việt Nam – EU (EVFTA), sền do là bơta pràn dong sơlơ tơnguh rlau tai priă lơh geh bơh kă bro, bơcri priă đah 2 lơgar.

2 gah kung neh cribơyai bè bơta kuơ màng bơh broă sền gàr ring lơngai, kơ\ kơljap, ngap lơngai tàm dà lềng đah mattơngai lik, đơs tờm kơrnuat lài ngan là sền dờng màng adat boh lam mờ đơs tờm nùs nhơm kờ` bơsong ală tam pìt tam phà mờ broă lơh ring lơngai, di mờ adat boh lam dunia, tàm hơ\ geh Công ước Liên hợp quốc bè Adat dà lềng nam 1982.