VOV4.K’ho- Di ngai bơhiàn broă Đảng bơdìh lơgar ngai (31/03), drim òr (30/03). Bộ Ngoại giao bơyai lơh tìp măt ờs mờng “60 nam-dùl tơngai jăk chài broă đảng bơdìh lơgar” mờ cri bơyai “Tơnguh uă cồng nha broă đảng bơdìh lơgar tàm tơngai tŭ do”.

                Phó Thủ tướng, Bộ trưởng Bộ Ngoại giao ồng Phạm Bình Minh đơng lam pơrjum

Phó Thủ tướng, Bộ trưởng Bộ Ngoại giao ồng Phạm Bình Minh, tus pơrjum mờ geh jơnau đơng lam. Tàm dơ̆ cri bơyai, Phó Thủ tướng ồng Phạm Bình Minh sồr ală cấp ủy tàm lơgar mờ lơgar bơdìh pal tơnguh uă rơlao tai kơnòl, nùs nhơm rơcang lài bơceh lơh, nùs nhơm lơh is, bơsram tàp is bơh kuang bàng cau geh đảng tềng đăp mờ ală bơta, bơ̆t bơtàu mpồl kuang bàng lơh broă đảng bơdìh lơgar ngai sơlơ pràn kơl dang; broă bơ̆t bơtàu đảng pal pơgồp bal nền nòn mờ broă đơng lam lơh jăt kơnòl chính trị, mờ tơnguh kơnòl, tơnguh uă ngan broă pơgồp bal, tus bal bơh ală cấp, ală gah lơh broă, ală tiah gơwèt mờ broă đảng bơdìh lơgar.

Cau mblàng Ndong Brawl