VOV4.K’ho - Dờp jơnau jà bơh của Bộ trưởng Ngoại giao lơgar Triều Tiên Ri Yong Ho, Phó Thủ tướng Chính phủ, Bộ trưởng Ngoại giao ồng Phạm Bình Minh còp mùl màl lơgar Triều Tiên bơh ngai 12 tus 14 nhai 2 nam 2019.

Tàm tơngai còp, ồng Phạm Bình Minh neh geh ală dơ\ cri bơyai mờ ồng Ri Yong Ho mờ Phó Chủ tịch mpồl đơng lam Đảng, kuang atbồ dunia Đảng Lao động lơgar Triều Tiên ồng Ri Su Yong; còp Đại sứ quán lơgar Việt Nam tàm lơgar Triều Tiên.

Tàm pơrjum cri bơyai mùl màl, bàr gah ring bal pơn jăt tai pơgồp bal tàm ală pơrjum cri bơyai dunia mờ tiah lơh broă bè Liên Hợp Quốc, pơrjum mpồl lơh broă ờ pơgồp bal, cri bơyai tàm tiah ARE, ală pơrjum, cri bơyai dunia bơh ală đảng tòm…, tơnguh broă cri bơyai bè ală broă bàr gah geh sền gròi bè geh sùm bơta lơngăp lơngai, niam tàm tiah do.

Cau mblàng Ndong Brawl