VOV4.K’ho- Mang ngai 21/11, tàm Hà Nội, Ủy ƀan Ờdo ờdă gùng lòt dà lơgar bơyai lơh Dơ̆ kah kơlôi ală cau chơ̆t tài bơh rềs àr gùng lòt. Tus bal geh Phó Thủ tướng Thường trực ồng Phạm Bình Minh. Mờ jơnau đơs “Kah kơlôi cau neh chơ̆t- Tài bơh cau ơm wơl”, do là nam dơ̆ 10 broă lơh do geh bơyai lơh tàm lơgar Việt Nam mờ nam dơ̆ bàr Ủy ƀan Ờdo ờdă gùng lòt dà lơgar bơyai lơh broă lơh “Cau bơyô lòt gùng” gơ jăt bal mờ “Dơ̆ kah kơlôi ală cau chơ̆t tài bơh rềs àr gùng lòt”.

Đơs tàm Dơ̆ bơyai lơh kah kơlôi cau chơ̆t tài bơh rềs àr gùng lòt, Phó Thủ tướng Thường trực ồng Phạm Bình Minh hòi jà làng bol dùl nùs bal lơh jăt niam Adat Ờdo ờdă gùng lòt nàng ờ gam tai ală dơ̆ rềs àr gùng lòt jê sồt gơlik geh. Dơ̆ bơyai lơh kah kơlôi cau chơ̆t tài bơh rềs àr gùng lòt geh bơyai lơh pah nam là jơnau pơndờm pơnđiang gơwèt mờ ală hìu bơnhă geh cau pròc mhàm ờ bơtuah gơtìp rềs àr mờ là jơnau tơngkah gơwèt mờ mpồl bơtiàn bè bơta gĭt wă lòt rê tàm gùng nàng sền gàr rài kis.

Cau mblàng Lơ Mu K’Yến