VOV4.K’ho- Ngai 17/9, Phó thủ tướng Chính phủ ồng Vũ Đức Đam mờ Kuang đơng lam bồ bàr pe Bộ, gah sơnah lơh broă dà lơgar neh tus lơh broă mờ đơng lam broă lơh rcang sơndră kòp Covid-19 tàm càr Tiền Giang.

Đơs tàm dơ̆ lơh broă, ồng Vũ Đức Đam cih dờp ală bơta lơh ngan, bòl glar kal ke bơh ală kấp, ală gah, ală tiah bơh càr Tiền Giang dê tàm broă lơh rcang sơndră kòp Covid-19 tàm ù tiah do dê tàm tơngai pa do; ngan là broă lam lơh ală bơnah gàr tơl niam rài kis mpồl bơtiàn; mơkung iăt kơno ală jơnau đơs, jơnau dan bơh tiah do dê. Ồng Vũ Đức Đam neh đơs ală bơta ờ hềt pràn, ờ hềt niam, gơtìp rơmơ̆p ndơl tàm broă lơh rcang sơndră kòp mờ càr Tiền Giang kờñ pal sền gròi nàng  lơh jat tàm tơngai tus nàng gờñ kơryan kòp. Gơwèt mờ ală tiah neh lời tĕ wàng se kơryan kòp den pal pơn jat tai atbồ kràñ ù tiah, pơn jat tai jat sền bơta gơlik geh kòp dê nàng rê wơl mờ bơta “bè ờs pa”.

Cau mblàng K’Hạnh