VOV4.K’ho- Broă lơh sơndră kòp tàm ƀòn dờng Hồ Chí Minh kung gam tàm tơngai jŏ jòng, den tàng bè hơ̆ ală mpồl lơh broă geh gơnoar lam lơh uă broă lơh nhap nhar nàng mpồl lơh sa kă bro lơh gơlik phan ngui sa mờ mpồl pơndiang phan bơna, drơng broă ala lơh di pal mờ ală bơta, gàr niam rài kis ai làng bol in.

Do là jơnau đơs ngan bơh ồng Vũ Đức Đam- Phó Thủ tướng Chính phủ, Kuang atbồ Mpồl đơng lam dà lơgar rcang sơndră kòp Covid-19 tàm dơ̆ lòt sền broă lơh rcang sơndră kòp tàm bàr pe tiah lơh gơlik phan kă bro, drơng broă ala ngai (06/8) tàm ƀòn dờng Hồ Chí Minh. Nàng gàr niam lơh sùm broă lơh gơlik phan, ờdo ờdă, Phó Thủ tướng sồr ƀòn dờng Hồ Chí Minh mhar cĭt jơh vaccine ai cau lơh broă tàm ală mpồl lơh sa kă bro lơh gơlik phan kuơ màng in. Ală mpồl lơh sa kă bro rcang lài kĭ sră pơrgon mờ gah lơh sơnơm nàng lơh jat broă lơh kham kòp, gròi sền bơh gah lơh sơnơm dê pah ngai.

Cau mblàng K’Hạnh