VOV4.K’ho – Tàm tơngai lơh broă tàm Boston, bang Massachusetts, lơgar Mỹ, Phó Thủ tướng Chính phủ, ồng Vương Đình Huệ neh tus còp hìu nac Ommi Parker House, là tiah mờ Chủ tịch Hồ Chí Minh neh geh tu\ lơh broă bơh nam 1911 tus nam 1913 tàm tơngai lơh broă jòi gùng dong klàs dà lơgar mờ wă Ngoại trưởng lơgar Mỹ lài do, ồng John Kerry.

Sền ală phan lời kir bơh Bác Hồ dê kung gam geh prap gàr niam ngan tàm hìu nac, Phó Thủ tướng jơh nùs ưn ngài Mpồl đơng lam hìu nac neh lời nùs nhơm sền ngềr gơwèt mờ Chủ tịch Hồ Chí Minh mờ sền gàr hìu nac bè dùl anih tus sền kuơ màng ai làng bol 2 lơgar mờ nac nhơl chờ dunia in. Phó Thủ tướng đơs tờm broă lơh geh kuơ do neh mờ gam pơgồp bơnah sơlơ tơnguh bơta git wă mờ git gơp lơh bơyô kung bè lơh broă bal đah 2 lơgar.