VOV4.K’ho- Mho ngai 09/4, Bí thư Đảng dà lơgar, Phó Thủ tướng Chính phủ ồng Lê Minh Khái bal mờ ală Kuang bàng Quốc hội gơwèt Mpồl Kuang bàng Quốc hội càr Bạc Liêu geh dơ̆ tìp mat mờ cau tĕ khà càr Bạc Liêu tơnơ̆ pơrjum dơ̆ 11, Quốc hội khoá 14.

                                     Phó Thủ tướng Chính phủ ồng Lê Minh Khái  đơs tàm dơ̆ tìp mat mờ cau tĕ khà

Mpồl Kuang bàng neh yal mờ cau tĕ khà bè cồng nha pơrjum dơ̆ 11, Quốc hội khoá 14 mờ cồng nha lơh broă bơh Mpồl Kuang bàng Quốc hội càr Bạc Liêu khoá 14, tơngai lơh broă bơh nam 2016- 2021. Cau tĕ khà càr Bạc Liêu neh đơs niam ngan tơngume pơrjum dơ̆ 11 mờ broă lơh bơh ală Kuang bàng Quốc hội càr Bạc Liêu dê tàm tơngai lơh broă pa do.

Cau tĕ khà kung geh jơnau đơs, jơnau dan bàr pe broă mờ Mpồl Kuang bàng Quốc hội càr dê, bè: Tŭ do, gơnoar broă Bí thư Chi bộ mơkung là Kuang atbồ bòn lơh broă kal ke ngan tài bơh lơh uă ir broă, priă jền dong kờl ai kuang bàng kơnă hơđơm in tŭ do dùl ết ngan den kờñ pal sền swì wơl nàng tơnguh tai priă dong kờl. Đơs tàm dơ̆ tìp mat mờ cau tĕ khà, Phó Thủ tướng Chính phủ ồng Lê Minh Khái tơngŏ bơta ưn ngài gơwèt mờ Kuang đơng lam bồ Tỉnh ủy, HĐND, UBND càr, ală gah sơnah lơh broă mờ cau tĕ khà càr Bạc liêu dê neh pin dờn dong mpồl Kuang bàng Quốc hội càr in lơh sir kơnòl broă tơngai lơh broă khoá 14 mờ lơh loh bàr pe jơnau đơs mờ cau tĕ  khà dê neh đơs.

Cau mblàng K’ Hạnh