VOV4.K’ho- Mho ngai 29/12, Phó Thủ tướng ồng Lê Minh Khái neh tus bal Pơrjum lam lơh kơnòl broă ngân hàng nam 2022. Phó Thủ tướng jờng rơ ngan gah ngân hàng tàm nam do òr neh lời rlau 5 rbô tơmàn đong dong kờl ai ală broă lơh ờdo ờdă rài kis mpồl bơtiàn tàm gùt lơgar in, tàm hơ̆ lời rlau 3 rbô 200 tơmàn đong dong kờl ală broă lơh rơcăng, sơndră kòp Kovid-19. Nam pa 2022, Phó Thủ tướng sồr gah ngân hàng pơn jăt tai tơrmù khà priă cồng ai càn, ngan là gơwèt mờ ală gah broă lơh ai lơh lài.

Phó Thủ tướng ồng Lê Minh Khái đơs tàm dơ̆ pơrjum

Tơnguh uă cồng nha càn priă mờ pơlam priă jền mŭt tàm gah lơh sa kă bro, dong kờl bơtàu tơnguh ală rơndăp broă lơh phan bơna. Lam lơh geh cồng nha ală broă lơh càn priă dong kờl priă cồng, dong kờl làng bol, mpồl lơh sa kă bro tìp kal ke. Phó Thủ tướng ồng Lê Minh Khái kung sồr gah ngân hàng lơh pràn bơtàu tơnguh ai càn priă ngui sa, pơgồp bơnah tơrmù jơnau càn priă sa priă cồng uă mờ cau lơh tìs bè ai càn priă bơh ală phan ngui măy mok dê.

Cau mblàng Lơ Mu K’Yến