VOV4.K’ho - Drim òr (06/12), tàm hìu lơh broă Chính phủ, Bí thư Đảng dà lơgar, Phó Thủ tướng ồng Lê Minh Khái neh geh dơ̆ wă ồng Choi Joo Ho, Kuang atbồ dờng mpồl lơh sa Samsung Việt Nam.

              Phó Thủ tướng ồng Lê Minh Khái wă Kuang atbồ Mpồl lơh sa dờng Samsung Việt Nam

Đơs tờm broă lơh bal niam bơnĕ tŭ do đah lơgar Việt Nam mờ lơgar Hàn Quốc, tàm hơ̆ uă ngan là tàm ală gah broă: Lơh sa, kă bro 2 đah, lơh broă broă lơh, ODA, tàm cồng nha bal hơ̆, geh broă pơgồp bal bơh ală mpồl lơh sa kă bro đah bàr lơgar, tàm hơ̆ uă ngan là Samsung tàm lơgar Việt Nam, kuơ màng tàm bơta kal ke tài bơh kòp Covid-19 lơh gơtìp, ală broă lơh sa, kă bro bơh Samsung tàm ală gah broă ndrờm gơguh pơn drờm mờ tŭ do nam lài. Kuang atbồ dờng mpồl lơh sa Samsung Việt Nam ồng Choi Joo Ho pà git, tus tŭ do, tập đoàn neh bơcri tàm lơgar Việt Nam kờp jơh 17 tơmàn 740 tơlăk dolar Mỹ, khà bơcri priă geh 100% khà priă neh dan cih măt.

Cau mblàng Ndong Brawl