VOV4.K’ho- Phó Thủ tướng ồng Lê Văn Thành pa lòt sền, sền swì ngan ngồn anih lơh Hìu măy pờ tơlik ồs đèng Hoà Bình pờ ơnàng tàm tơngai kơnhoàl ù tiah do gơtìp gơrềng bơh mìu jŏ jòng dê tàm uă ngai do. Tơnơ̆ tŭ lòt sền tơn ngan ngồn, lòt sền bơta geh ngan, Phó Thủ tướng ồng Lê Văn Thành mờ Mpồl lơh broă neh geh dơ̆ lơh broă mờ kuang đơng lam bồ ală ƀộ, gah sơnah lơh broă, càr Hoà Bình, Tập đoàn Ồs đèng Việt Nam.

Phó Thủ tướng ồng Lê Văn Thành iăt cau tờm bơcri priă yal broă lơh rơndăp broă lơh

Đơs pơndŭt dơ̆ lơh broă, Phó Thủ tướng ồng Lê Văn Thành đơs là, broă tơrlah ù tài bơh uă jơnau lơh gơbàn, bè mìu dờng jŏ jòng sùm, tài jơnau geh is mờ bơnah lơi hơ̆ kung digơlan là tài bơh geh bơta gơrềng tàm ală tŭ lơh Rơndăp broă lơh. Phó Thủ tướng sồr pal sền gàr niam ngan ờdo ờdă ngan ai Broă lơh Hìu măy pờ tơlik ồs đèng Hoà Bình in, ngan là bơtơ̆t dơng dà hìu măy pờ tơlik ồs đèng Hoà Bình; sền gàr ù tiah ƀòn lơgar, hìu đam, ờdo ờdă ai ală broă lơh tàm tiah do in, ngan là Rùp mòn Bác Hồ. Tàm ală tŭ lơh, pal sền gàr niam ờdo ờdă ngan ai cau công nhân in.

Cau mblàng Lơ Mu K’Yến