VOV4.K’ho- Tàm hìu lơh broă Chính phủ, Phó Thủ tướng ồng Lê Văn Thành neh tìp mat cribơyai broă mờ Phó Chú tịch Quốc hội Lào ồng Xổm-mạt Phổn-xê-na di dơ̆ lòt bal mờ Chủ tịch Quốc hội Lào ồng Xay-xổm-phon Phôm-vi-hản lòt còp ngan ngồn lơgar Việt Nam. Phó Thủ tướng Lê Văn Thành đơs nền, Đảng, Chính phủ mờ làng bol Việt Nam sùm sền dờng màng broă gàr kơ̆ mờ sơlơ tơnguh git gơp lơh bơyô, tam klac bal kuơmàng mờ lơh broă bal tơl làm đah Việt Nam mờ Lào.

Phó Thủ tướng Lê Văn Thành đơs nền, tàm gơnoar broă he dê, geh lơh jơh pràn nàng pơgồp bơnah gàr kơ̆, bơtàu tơnguh git gơp neh geh ală rơnàng kuang đơng lam bồ 2 lơgar bơt bơtàu. Ồng Xổm-mạt Phổn-xê-na pà git, do là dơ̆ lòt còp sơn rờp tàm gơnoar broă Phó Chủ tịch Quốc hội; ai tơnggŏ bơta ưn ngài Đảng, dà lơgar, làng bol Việt Nam neh sùm dong kờl lơgar Lào, kuơmàng, Đảng, dà lơgar mờ làng bol Việt Nam neh lơh Hìu lơh broă Quốc hội pà Đảng, Quốc hội, Chính phủ mờ làng bol Lào in.

Cau mblàng K’Duẩn