VOV4.K’ho - Ngai òr (15/11), Phó Thủ tướng Thường trực Chính phủ ồng Phạm Bình Minh neh tìp mờ cau tĕ khà tàm kơnhoàl Long Điền mờ kơnhoàl Đất Đỏ, càr Bà Rịa – Vũng Tàu.

Phó Thủ tướng ồng Phạm Bình Minh neh yal mờ cau tĕ khà bè pơrjum dơ̆ 2, Quốc hội khoă 15 neh geh cồng nha niam bơnĕ di jăt mờ broă geh ai. Phó Thủ tướng kung yal tus mờ cau tĕ khà ală bơta tơngŏ brồ guh niam bơh broă lơh sa tàm broă tăc phan mờ lơgar bơdìh mờ bơcri priă gơguh wơl. Mờ pà git Chính phủ gam lơh ngan ai tơl sơnơm vaccine rơcang sơndră mờ kòp Covid-19 tàm gùt lơgar in, mìng is tàm càr Bà Rịa – Vũng Tàu geh tam pà rơlao 1 tơlăk 800 rơbô ding. Tơnơ̆ mờ dơ̆ tìp mờ cau tĕ khà, ala măt kuang đơng lam Chính phủ, Phó Thủ tướng ồng Phạm Bình Minh neh còp să, pơn jờng mờ jào pà phan ai 7 hìu geh pơnrơ jăk, geh cồng nha jăk chài tàm broă tus bal ală dơ̆ lam sồr, ală broă pơrlòng kờñ gơboh mờ dà lơgar mờ broă rơcang sơndră mờ kòp Covid-19 bơh bàr kơnhoàl Long Điền mờ Đất Đỏ. Mờ mpồl kung bàng kung còp să, tam pà bal jơnau moăt mờ pà 25 pò phan ai ală hìu geh cau pròc mhàm gơtìp chơ̆t tài bơh kòp Covid-19 lơh aniai.

Cau mblàng Ndong Brawl