VOV4.K’ho- Phó Thủ tướng ồng Phạm Bình Minh pa geh dơ̆ wă Bộ trưởng Bộ Ngoại giao lơgar Singapore ồng Vivian Balakrishnan. Phó Thủ tướng ồng Phạm Bình Minh đơs, broă lơh gĭt gơ̆p jŏ jòng đah lơgar Việt Nam mờ lơgar Singapore gam tơnguh bơtàu mùl màl mờ geh cồng nha.

 Phó Thủ tướng ồng Phạm Bình Minh wă Bộ trưởng Bộ Ngoại giao lơgar Singapore ồng Vivian Balakishnan

Phó Thủ tướng pơn jờng bàr gah gờñ crơng gơs, lơh jăt broă pơrjum bàr mpồl lơh broă bè sơndră mờ kòp Covid-19 gơtờp , wèt tus jơnau ring bal dờp bal bè sră dờp sơnơm vaccine mờ lơh sa số nàng ai geh bơta pràn brồ guh mờ tơnguh bơtàu broă lơh sa di pal mờ bơta pa.

Kung tàm dơ̆ wă, Phó Thủ tướng ồng Phạm Bình Minh hòi jà lơgar Singapore pơgồp bal nùs nhơm tàm ală broă tàm tiah do mờ tàm dunia geh sền gròi bal, tàm hơ̆ geh broă tàm dà lềng đah măt tơngai lĭk, gàr niam mờ tơnguh sùm nùs nhơm tam klăc bal mờ gơnoar tờm bơh mpồl ASEAN dê.

Cau mblàng Ndong Brawl