VOV4.K’ho - Ngai òr (12/2), Phó Thủ tướng ồng Trương Hoà Bình neh tus còp mờ lơh broă mờ Kiểm toán Dà lơgar di bồ nam pa Kỷ Hợi 2019.

Tàm dơ\ lơh broă, ồng Trương Hoà Bình neh pơn jờng mờ đơs niam ală cồng nha neh lơh geh mờ Kiểm toán Dà lơgar neh lơh geh tàm nam pa do.

Ồng Trương Hoà Bình đơs loh, nam do geh kuơ màng gơwèt mờ broă lơh jăt rơndăp broă tơnguh bơtàu lơh sa mpồl bơtiàn tơngai bơh nam 2016 tus 2020.

Den tàng, ồng Trương Hoà Bình sồr Kiểm toán Dà lơgar pal lơh jăt nền nòn broă đơng lam bơh Đảng, Dà lơgar, Quốc hội mờ Chính phủ, lơh jăt di pal mờ drơng broă atbồ, đơng lam bơh chính phủ.

Pal tơnguh bơta ală jơnau đơs pơn du\t, jơnau dan mùl màl geh bơta niam di pal mờ bơngă adăt boh lam bơh kiểm toán dà lơgar dê, lơh broă krơi is mờ mìng lơh jăt adăt boh lam.

Cau mblàng Ndong Brawl