VOV4.K’ho- Phó Thủ tướng ồng Trương Hòa Bình lơh broă tàm càr Phú Yên bè broă lơh sa- mpồl bơtiàn bơh càr dê. Phó Thủ tướng đơs là, Phú Yên là càr gam uă kal ke mơya tơngai lài neh geh uă bơta lơh ngan pơđơl pràn, pal cih dờp ngan.

Phó Thủ tướng ồng Trương Hoà Bình đơs tàm dơ\ lơh broă tàm càr Phú Yên  

Jăt ồng Trương Hoà Bình đơs, càr Phú Yên là càr geh uă bơta pràn bơtàu tơnguh, ală gùng lòt mờr geh lơh gơs niam ngan. Tềng đăp măt, càr pal tơrgùm lơh jăt ală gùng dà broă lơh sền gàr tơl niam rài kis, dong kờl làng bol gơtìp gơrềng tài bơh kòp Covid-19.

Phó Thủ tướng đơs sùm, Phú Yên pal sền dờng màng bơtàu tơnguh lơh sa dà lềng, lơh broă sa sươn sre công nghệ cao, lơh gơlik phan tàm dà, lơh pràn bơcri priă tàm tiah đah jum Phú Yên. Tàm hơ\, geh anih ơhò ơm Vũng Rô, anih ơhò ơm Bãi Gốc; lơh geh cồng nha lơh bal tiah kềng dà lềng đah jum tàm gùl lơgar mờ Tây Nguyên.

Cau mblàng Lơ Mu K’Yến