VOV4.K’ho- Drim ngai 31/3, tàm Hà Nội, geh lơh pơrjum Hiệp hội cau ùr lơh sa kă bro Việt Nam dơ̆ 2. Phó Thủ tướng, ồng Trương Hoà Bình neh tus bal mờ đơs đơng lam pơrjum. Jat khà kờp tŭ do, tàm Việt Nam geh mờr 30% cau ùr tus bal đơng lam bồ ală mpồl lơh sa kă bro, mờ do là dùl khà ờ di là dùl êt. Tơngai lơh broă lài, tàm broă lơh sa kă bro, ală cau ùr lơh sa kă bro neh rơcang lài bơsong ală kal ke tàm dơlam is bơh mpồl he dê, ờ di ơm mŏ nàng kơp gơn bơta dong kờl bơh bơdìh...

Đơs tàm pơrjum, Phó Thủ tướng, ồng Trương Hoà Bình đơs niam pơrjum dơ̆ 2 geh bơta kuơ dờng màng ngan bơh ală cau ùr lơh sa kă bro Việt Nam dê; sồr Hiệp hội mờ ală cau ùr lơh sa kă bro pal mblàng yal, hòi jà ală cau lơh sa kă bro đơs bal mờ cau ùr lơh sa kă bro đơs is lơh broă kă bro tàm jơnau cih adat boh lam dê, lơh jat nền nòn kơrnuat boh lam, lơh jat ală kơnòl mờ dà lơgar mờ gàr gơnoar kuơ bơh cau lơh broă, lơh sa, kă bro dê wèt tus bơtàu tơnguh kơ̆ kơljap mờ bơt bơtàu niam chài ùr lơh sa kă bro cèng bơta chài rơgơi mờ kòn bơnus Việt Nam.

Cau mblàng K’Duẩn