VOV4.K’ho- Drim ngai 12/7, tàm Hìu lơh broă Chính phủ, Phó Thủ tướng ồng Vũ Đức Đam, Kuang atbồ Mpồl đơng lam dà lơgar rơcang sơndră kòp Covid-19 neh đơng lam dơ̆ tàm jàu broă lơh pờ tơn tàm internet mờ kuang đơng lam bồ ƀòn dờng Hồ Chí Minh bè broă lơh rơcang sơndră kòp tàm tơngai tŭ do.

Tàm dơ̆ tàm jàu broă lơh, Phó Thủ tướng ồng Vũ Đức Đam đơs nền, tus tŭ do, ală anih tam cah is tơrgùm bal neh lam lơh mờr 70% pràn jak. Den tàng, ƀòn dờng Hồ Chí Minh pơgồp bal mờ Bộ Y tế mhar sền sơ wì lam lơh tam cah is tàm hìu.

Phó Thủ tướng jàu Bộ Y tế sền sơ wì mờ kơlôi sơnơng wơl ală jơnau sồr bè tam cah is tàm hìu dipal mờ bơta geh ngan bơh ƀòn dờng dê. Phó Thủ tướng tơngkah ƀòn dờng sền gròi uă tus cau rƀah, cau geh rài kis uă kal ke. Jat hơ̆, bơdìh mờ ală broă lơh bơh gơnoar atbồ dê gam lam lơh den anih lơh broă mặt trận dà lơgar Việt Nam ală kấp pal hòi jà ală mpồl lơh sa kă bro mờ làng bol dong kờl ală cau do in.

Cau mblàng K’Duẩn