VOV4.K’ho- Ngai 22/12, Phó Thủ tướng ồng Vũ Đức Đam neh đơng lam Pơrjum pờ tơn tàm internet gùt lơgar lam lơh jăt Adat Rơcăng sơndră ma túy nam 2021; broă lơh rơcăng sơndră kòp Kovid-19 mờ sền gàr ờdo ờdă phan sa. Đơs tàm pơrjum, Phó Thủ tướng ồng Vũ Đức Đam đơs sùm: Bulah tơngai lài, broă lơh rơcăng sơndră ma túy neh lơh geh cồng nha pin dờn ngan mơya kung gam sơl uă jơnau pơhìn uă.

Den tàng bè hơ̆, ală tiah kờñ pal pơn jăt tai lam lơh ală broă lơh rơcăng sơndră ma túy tàm bơta rềp ngan mờ bơta geh ngan tàm tiah he dê. Phó Thủ tướng ồng Vũ Đức Đam đơs là, broă lơh do ờ gŏ di mìng là bơh is mpồl kwang àng, ling sền gàr tiah nhàr lơgar, gah lơh sơnơm, lơh broă cau ling sồt să mờ mpồl bơtiàn dê mờ ngai sơlơ loh làng bơh mpồl anih cah rña, anih lơh broă gah sền gàr adat boh lam, ngan là ală mpồl cau tàm hòi jà rơcăng sơndră, ală broă lơh lơh lòt, mơya pal kràñ mờ cau ngir ma túy. Tàm pơrjum, ală kuang bàng kung iăt yal bàr pe kơnòl broă rơcăng sơndră kòp Kovid-19 tàm tiah he dê; sền gàr sàng goh ờdo ờdă phan sa tàm dơ̆ sa tềp bơhiàn.

Cau mblàng Lơ Mu K’Yến