VOV4.K’ho- Phó Thủ tướng ồng Vũ Đức Đam pa geh dơ̆ lơh broă mờ càr Bình Dương bè broă lơh rơcang sơndră kòp Covid-19. Jat kuang đơng lam bồ càr Bình Dương đơs, uă ngan ală tiah geh kòp gơlik geh tàm mpồl bơtiàn neh gơtùi sền gròi. Càr Bình Dương gam gàr kơ̆ broă atbồ tơl bă tiah, ală tiah sơlơ lòt sền, sền sơ wì, lơh glài kràñ ală cau lơh tìs.

Đơs niam bơta lơh ngan bơh gơnoar atbồ mờ làng bol càr Bình Dương dê tàm broă lơh rơcang sơndră kòp mờ sơm ală cau bơtờp kòp Covid-19 in, Phó Thủ tướng ồng Vũ Đức Đam ai tơnggŏ bơta chờ hờp tŭ kuang đơng lam bồ ală kấp mờ làng bol càr Bình Dương ndrờm lơh ngan tus ngai 15 nhai 8 do gơtùi sền gròi kòp bơtờp bơh 5 tàm 9 kơnhoàl, thị xã, ƀòn dờng. Tus ngai 30/8, gơtùi sền gròi 4 thị xã, ƀòn dờng gam wơl rềp mờ ƀòn dờng Hồ Chí Minh, ờ kờp 2, 3 tiah geh uă kòp neh geh wàng se wơl, pơn jat tai lơh kloh, sền bal càr Bình Dương geh rê wơl bơta bè ờs pa.

Cau mblàng K’Duẩn