VOV4.K’ho- Tây Ninh sơlơ tơnguh broă rơ wah ală tiah geh jơnau pơhìn uă, mhar lơh gơlik tai ală tiah ai lòt rê ờdo ờdă, nàng làng bol in mhar rê wơl mờ rài kis bè ờs pa”. Do là jơnau sồr bơh Phó Thủ tướng ồng Vũ Đức Đam, Kuang atbồ Mpồl đơng lam dà lơgar rơcang sơndră kòp Covid-19 tàm dơ̆ lơh broă mờ càr Tây Ninh bè broă lơh rơcang sơndră kòp bơtờp tŭ do.

Bơh tŭ gơlik geh kòp Covid-19 tus tŭ do, càr geh 3 rbô 296 nă cau bơtờp kòp Covid-19. Tŭ do, càr geh 2 tiah geh jơnau pơhìn uă là thị xã Trảng Bàng mờ kơnhoàl Dương Minh Châu. Ngui tŭ tơngai ơm yah ngài mpồl bơtiàn jat Jơnau sồr sồ 16, càr tơrgùm jòi cau ơm rềp, xét nghiệm rơ wah mờ nùs nhơm gàr kơ̆ rề ơnàng tiah ai lòt rê, đal git lài bă tiah nàng xét nghiệm uă tiah, kơryan ờ lời kòp bơtờp tus tiah ndai. Tŭ do, Tây Ninh rơcang lài bơt bơtàu rơndap broă sơm bơh 5 rbô tus 10 rbô nă cau bơtờp kòp nàng geh ală rơndap broă dờp sơm kòp dipal. Tàm hơ̆, lơh 5 hìu sơnơm ing.

Cau mblàng K’Duẩn