VOV4.K’ho – Drim òr (17/3), lơh broă mờ kuang đơng lam bồ càr Điện Biên, Phó Thủ tướng, ồng Vũ Đức Đam jờng rơ ală cồng nha lơh geh tàm broă bơtàu tơnguh lơh sa, tơn jơh jơgloh tơmù r[ah, gàr tơl niam rài kis mpồl bơtiàn, sền gàr dà lơgar, sền gàr ngap lơngai mờ càr Điện Biên lơh geh tàm tơngai lài; jờng rơ càr neh bơyai lơh dơ\ lơh chờ bơkàu Ban niam ngan, cèng bơta niam is chài rơgơi ală kòn cau dê… Phó Thủ tướng sồr càr Điện Biên sền gròi tus broă prap gàr, bơtàu tơnguh ală bơta kuơ bơhiàn yau gơ jat bal mờ prap gàr, lơh niam wơl ală tiah tềl kah yau tiah tam lơh Điện Biên Phủ kah yau; tơr gùm lơh jơh ală sră nggal nàng lơh jat geh cồng nha rơndap broă “Prap gàr, lơh niam wơl mờ bơtàu tơnguh bơta kuơ kah yau dà lơgar kuơ màng tiah tam lơh Điện Biên Phủ tus nam 2030”. Bal mờ hơ\, sơlơ lơh pràn ală broă lơh ring bal nàng tàm tơrbo\ drà kă bro, tam klac bal bơtàu tơnguh nhơl chờ, kuơ màng là nhơl chờ kah yau mờ nhơl chờ [òn lơgar, là bơta pràn bơh càr Điện Biên dê.