VOV4.K’ho - Phó Thủ tướng ồng Vũ Đức Đam, Kuang atbồ Mpồl đơng lam dà lơgar rơcang sơndră mờ kòp Covid-19 đơng lam dơ̆ lơh broă pờ tơlĭk tàm internet bơh Mpồl lơh broă kuơ màng Chính phủ, pờ tơlĭk tàm internet mờ kuang đơng lam ƀòn dờng Hồ Chí Minh bè broă rơcang sơndră mờ kòp gơtờp.

Dờp ală broă lơh bơh ƀòn dờng Hồ Chí Minh dê, Phó Thủ tướng ồng Vũ Đức Đam đơs tờm, ƀòn dờng pal pơn jăt tai geh tiah sơm kòp ală cau kòp Covid-19 jroă in, pơn jăt tai tơmù khà cau gơtìp chơ̆t. Mìng is gơwèt mờ mpồl cau Shiper, cau jào phan gam gơtìp kal ke, geh tŭ geh cau càn priă nhân hàng nàng blơi rơndeh lơh broă, ƀòn dờng pal geh cơ chế bè broă ai càn priă dong kờl gơwèt mờ ală cau lơh broă tàm gah do. Gơrềng tus mờ mpồl cau Shiper gơtìp kal ke tàm broă càn priă bè Phó Thủ tướng ồng Vũ Đức Đam đơs, ƀòn dờng hơ geh lơh jăt di mờ jơnau neh đơs bơh ồng Phó Thủ tướng ồng Vũ Đức Đam dê, tềng đăp măt geh sền wơl broă lời ing dồs ai ală cau shiper mờ ờ uă mpồl lơh broă ndai in.

Cau mblàng Ndong Brawl