VOV4.K’ho- Mho ngai 28/6, tàm hìu lơh broă Chính phủ, ồng Vũ Đức Đam- Phó Thủ tướng Chính phủ, Kuang atbồ Mpồl đơng lam dà lơgar bè rcang sơndră kòp Covid-19 neh pơrjum pờ tơlik tơn tàm internet mờ 5 tiah: Quảng Ngãi, Bình Thuận, Khánh Hoà, Bình Định mờ Phú Yên bè broă lơh rcang sơndră kòp. Tŭ do, ală tiah ndrờm mhar ngan tơnguh bơta pràn sơm kòp, xét nghiệm, tơnguh uă khà ală tiah ai ơm yah ngài tơrgùm bal tàm nùs nhơm “jơh ală anih lơh broă chính trị lơh ngan mut lơh bal, lơh kràñ kơryan kòp tàm tơngai lơyah ngan rlau jơh”.

Phó Thủ tướng Chính phủ ồng Vũ Đức Đam đơs là broă lơh yal tơngĭt bal bè ală cau F0, F1, F2 đah ală tiah gam gơtìp lơyài. Bơta pơhìn kòp bơh ală càr gam uă ngan... Phó Thủ tướng sồr bulah ờ hềt geh cau bơtờp kòp, ală càr kung gam pal tơnguh broă xét nghiệm lơh ngan sền gàr bơta ờdo ờdă uă ngan rau jơh ai ală hìu sơnơm in; sền gĭt ală tiah geh bơta pơhìn bơtờp kòp uă bơdìh mpồl bơtiàn nàng xét nghiêm gròi sền jơh.

Cau mblàng K’Hạnh