VOV4.K’ho - Mho òr (04/06), tàm hìu lơh broă Chính phủ, Phó Thủ tướng ồng Vũ Đức Đam, Kuang atbồ Mpồl đơng lam Dà lơgar bè sơndră mờ kòp Covid-19 pơrjum pờ tơlĭk tàm internet mờ kuang đơng lam càr Bắc Ninh mờ càr Bắc Giang bè broă sơndră mờ kòp Covid-19 tàm bơta tŭ do.

Đơs tờm broă tàm ờ uă tiah tam cah is, wàng se, ƀòn, xã hờ bơdìh nền nòn, tàm dơlam ờ nền, Phó thủ tướng ồng Vũ Đức Đam sồr, ală càr pal lơh niam bơta do. Bơdìh hơ̆ tai, pal pơn jăt tai sền gròi bơdìh mpồl bơtiàn, pơgồp bal mờ broă ai phan ni sơna sền nàng gĭt kòp tàm ală tiah, ngui ală phan yal lơh sơnơm nàng jòi cau gơtìp kòp. Ală ngai do, bơh phan lơh broă is, neh gŏ tai rơlao 500 nă cau geh pin gơtìp kòp nàng ai phan xét nghiệm sền gròi.

Phó Thủ tướng ồng Vũ Đức Đam đơs là, càr Bắc Ninh mờ càr Bắc Giang ai geh broă ai cau lơh broă, lơh broă mờ sào sa tàm mpồl lơh sa kă bro, do là gùng dà broă lơh ing, pal gờñ geh gùng dà broă lơh kơl jăp rơlao.

Cau mblàng Ndong Brawl